முதல் 3 போட்டிகளில் தவான் இல்லை

| 14 September 2017

 

இந்திய அணியின் ஆரம்பத் துடுப்பாட்ட வீரர் ஷீகர் தவான், அவுஸ்திரேலிய அணிக்கெதிரான ஒருநாள் சர்வதேசப் போட்டித் தொடரின் முதல் 3 போட்டிகளிலும் விளையாட மாட்டார் என, இந்திய கிரிக்கெட் கட்டுப்பாட்டுச் சபை அறிவித்துள்ளது.

 

தவானின் மனைவிக்கு ஏற்பட்டுள்ள உடல் நலக்குறைவு காரணமாக, அவருடன் இருப்பதற்கு தவான் விரும்பி, விடுமுறை கோரியதன் காரணமாகவே, இந்நிலை ஏற்பட்டுள்ளது.

 

தவானுக்குப் பதிலாக, மாற்று வீரர் அறிவிக்கப்படவில்லை. எனவே, லோகேஷ் ராகுல் அல்லது அஜின்கியா ரஹானே, ஆரம்பத் துடுப்பாட்ட வீரர்களுள் ஒருவராக, றோகித் ஷர்மாவுடன் களமிறங்குவர்.

 

இரு அணிகளுக்குமிடையிலான 5 போட்டிகள் கொண்ட தொடர், எதிர்வரும் ஞாயிற்றுக்கிழமை ஆரம்பிக்கவுள்ளது. சென்னை சேப்பாகத்தில் இடம்பெறவுள்ள முதலாவது போட்டி, பிற்பகல் 1.30க்கு ஆரம்பிக்கவுள்ளது.

scroll to top